M’arregodu comment’e chi siad imoi Memela Orilleta sa cara bianca e orrubia coment’e su frori ‘e sa mendula marigosa is lavras de bibirilloi ‘e porcu is ogus de chelu steddau is pilus nieddus comment’e sa ucca ‘e su forru ca deu fui pittichedda ma nannai Austina “carrabusu” in su chelu siada ca sa vida d’ha passada comment’e unu frastimu midd’arreccuntada candu fustisi in Is Erriolus a cocolai sa lissia cun su cinisu ‘e murdegu ca is pannus spandianta crarori comment’e su soli dopu sa niada e nannai carrabusu in su chelu siada ca sa vida d’ha passada comment’e unu frastimu furriada ...
